ბრატისლავის „სლოვანის“ მთავარმა მწვრთნელმა ვლადიმირ ვაისმა ჯაბა კანკავაზე ისაუბრა.
ქართველი ფეხბურთელი სლოვაკურ კლუბთან კონტრაქტის განახლებაზე შეთანხმებული იყო, მაგრამ მან მოულოდნელად გადაწყვიტა, რომ კლუბი დაეტოვებინა. საქართველოს ნაკრების ყოფილმა თავკაცმა კანკავაზე ძალიან თბილად ისაუბრა.
„მან გადაწყვეტილება დამოუკიდებლად რამდენიმე გარემოებიდან გამომდინარე მიიღო. ამას პატივი უნდა ვცეთ. მისი წასვლა რთულია, მაგრამ ეს არის ცხოვრება. ჯაბას წასვლის გამო ძალიან ვწუხვარ. მე ის საკუთარი შვილივით მიყვარს. ჩემი კარიერის 8 წელი გავატარე მასთან, 8 წელი იბრძოდა ჩემთვის საქართველოს ნაკრებსა და „სლოვანში“. ის ჩემი ერთ-ერთი საყვარელი, ყველაზე ერთგული და საუკეთესო ფეხბურთელია. არ ვიცი, გააგრძელებს თუ არა კარიერას, ძალიან იდუმალი ადამიანია, მაგრამ დიდი გულით, ძალიან მშვიდი და მოკრძალებული. ჩვენ ყველას გვენატრება ის“, – განაცხადა ვაისმა.
გარდა ამისა, კანკავას გადაწყვეტილებაზე „სლოვანის“ სპორტულმა დირექტორმა ივან კმოტრიკმა გააკეთა კომენტარი:
„ჩვენ დაინტერესებული ვიყავით, რომ ჩვენთან გაეგრძელებინა თამაშს, მოვილაპარაკეთ კონტრაქტის გახანგრძლივებაზე, თუმცა საკითხავი იყო, თავად ჯაბას აქვს თუ არა სურვილი ისევ ამ დონეზე გააგრძელოს მუშაობა და ჩვენთან დარჩეს. საბოლოოდ გადაწყვიტა, რომ არ გააგრძელოს“, – აღნიშნაკმოტრიკმა.
შეგახსენებთ, რომ ჯაბა კანკავა „სლოვანში“ 2021 წლიდან თამაშობდა.