იუსტიციის მინისტრმა იტალიის ელჩთან დარგობრივი თანამშრომლობის გაღრმავების ინიციატივები განიხილა
რატი ბრეგაძემ მასიმილიანო დ’ანტუონოს იუსტიციის სამინისტროს საქმიანობის ძირითადი მიმართულებები და უწყების ხელმძღვანელობით მიმდინარე რეფორმები გააცნო.
საუბარი შეეხო უწყების როლს საქართველოს კანონმდებლობის ევროკავშირის სამართალთან ჰარმონიზაციის პროცესში; ინოვაციურ პროექტებს სერვისების მიწოდების სფეროში; პენიტენციური და დანაშაულის პრევენციის სისტემების წარმატებულ რეფორმებს.
შეხვედრაზე საქართველოსა და იტალიას შორის იუსტიციის სფეროში თანამშრომლობის გაღრმავების კონკრეტული ინიციატივებიც გამოითქვა.
იტალიის ელჩთან გამართულ შეხვედრას იუსტიციის მინისტრის მოადგილე ბექა ძამაშვილი ესწრებოდა.