“ყველა ხედავს, რომ უკრაინულ არმიას შედეგების მიღწევა შეუძლია”, – ამის შესახებ უკრაინის პრეზიდენტმა ვოლოდიმირ ზელენსკიმ განაცხადა.
“ყველა ხედავს, რომ უკრაინულ არმიას გაოცება და შედეგების მიღწევა შეუძლია. ამას ბრძოლის ველი აჩვენებს, სადაც ჩვენმა მებრძოლებმა არა მხოლოდ გაძლეს ოკუპანტების უფრო დიდი ძალის წინააღმდეგ, არამედ მას ისე ანადგურებენ, როგორც ეს საჭიროა უკრაინის, ჩვენი სახელმწიფოსა და დამოუკიდებლობის დაცვისთვის.
ახალი იარაღის გამოყენების შედეგებით შეგვიძლია ვიამაყოთ. მოკლე დროში ბევრი რამ გაკეთდა ისეთი, რისკენაც სხვა სახელმწიფოები მიდიან ან მიდოდნენ ათწლეულების განმავლობაში.
ჩვენი პარტნიორები უნდა სწავლობდნენ ჩვენგან თანამედროვე გადაწყვეტილებებსა და ეფექტიანობას, შედეგების მიღწევის შესაძლებლობას”, – განაცხადა ზელენსკიმ.