თამთა მეგრელიშვილი ლაშა ტალახაძის შესახებ ნიკა გვარამიას განცხადებაზე: ლაშას ამ მორიგი მიღწევის მერე იზიარებს ჩვენს საერთო სიხარულს თუ იგივე პოზიციაზე რჩება და მაინც ფეხზე ჰკიდია?

“საქართველოს სახელით ლაშა ტალახაძის ეს დიდი გამარჯვება სიამაყის მომგვრელია და ამძაფრებს ქართველობის და დაუმარცხებლობის შეგრძნებას. ვულოცავ მას და ვულოცავ ყველა მის გულშემატკივარს ამ დიდ გამარჯვებას”, – წერს “ხალხის ძალის” წევრი თამთა მეგრელიშვილი სოციალურ ქსელში.

თამთა მეგრელიშვილი ლაშა ტალახაძის შესახებ ნიკა გვარამიას მიერ წარსულში გაკეთებულ განცხადებას იხსენებს და გვარამიას კითხვით მიმართავს – “ლაშას ამ მორიგი მიღწევის მერე იზიარებს ჩვენს საერთო სიხარულს თუ იგივე პოზიციაზე რჩება და მაინც ფეხზე ჰკიდია?”

მისივე თქმით, ნიკა გვარამია ვერ იღებს ვერაფერს ქართულს, მისი ანტიქართული და ანტიეროვნული პოლიტიკური განწყობების არქივი მისი სატელევიზიო გადაცემები იყო და დღეს მისი პოლიტიკური გამოსვლებია.

ის მისი მახინჯი პოლიტიკური კონიუნქტურიდან გამომდინარე ახალიც ძველია, იგივეა, ისევ ისაა და ის მიხეილ სააკაშვილის პოლიტიკურ მძიმე მემკვიდრეობას ატარებს, მის ხედვასა და საქმეში პოლიტიკური სახელის გარდა არაფერი იცვლება”, – წერს თამთა მეგრელიშვილი.