გიორგი ვოლსკი: არსებობს მეორე მხარე, რომელიც სწორედ დესტაბილიზაციით ცდილობს ხელისუფლების სათავეში მოსვლას
„ეს უბრალოდ ციფრებში ასახვა, გამოხატულებაა საზოგადოებრივი აზრისა, რომელიც ამასთანავე წინააღმდეგია, რომ დესტაბილიზაცია მოხდეს ქვეყანაში”, – ასე გამოეხმაურა პარლამენტის პირველი ვიცე-სპიკერი გიორგი ვოლსკი ტელეკომპანია „იმედის“ მიერ დაკვეთილი „გორბის“ საზოგადოებრივი აზრის კვლევას.
„იციან, რომ არსებობს მეორე მხარე, რომელიც სწორედ დესტაბილიზაციით ცდილობს ხელისუფლების სათავეში მოსვლას“, – აღნიშნა ვოლსკიმ.
ტელეკომპანია „იმედის“ დაკვეთით GORBI-მ საზოგადოებრივი აზრის კვლევის შედეგები გამოაქვეყნა.
კითხვაზე: საპარლამენტო არჩევნები ამ კვირას რომ ტარდებოდეს, ვის მისცემდით ხმას? მიღებული პასუხების შედეგად, პარტიების პოლიტიკური რეიტინგები ალოკაციით შემდეგნაირად გადანაწილდა:
„ქართული ოცნება“ 59.3%
„ერთიანი ნაციონალური მოძრაობა“ /„სტრატეგია აღმაშენებელი“ 13.1%.
ამ მონაცემების მიხედვით, საქართველოს პარლამენტში 107 მანდატს იღებს „ქართული ოცნება“, ოპოზიციური პარტიები კი ერთად – 43 მანდატს.