ირაკლი ქადაგიშვილი დელეგატებზე: ყველას თავისი შრომითა და პიროვნული ღირსებით აქვს მიღწეული ის შედეგი, რაც აქამდე ცხოვრების გზაზე გაუვლიათ
“თუ დააკვირდებით ნათლად დაინახავთ, რომ „ქართულ ოცნებას“ ნამდვილად აქვს განახლების ძალიან დიდი რესურსი”, – განაცხადა პარლამენტის საპროცედურო საკითხთა და წესების კომიტეტის თავმჯდომარე ირაკლი ქადაგიშვილმა „ქართული ოცნების“ დელეგატებზე საუბრისას.
მისი თქმით, ყველა დელეგატს თავისი შრომითა და განათლებით აქვთ მიღწეული თავიანთი შედეგები.
„ესენი არიან ახალგაზრდები და ყველას თავისი განათლებით, შრომითა და თავისი პიროვნული ღირსებით აქვს მიღწეული ის შედეგი, რაც აქამდე ცხოვრების გზაზე გაუვლიათ“, – აღნიშნა ირაკლი ქადაგიშვილმა.
„ქართული ოცნების” საარჩევნო შტაბის ხელმძღვანელმა ირაკლი კობახიძემ თბილისის დელეგატები წარადგინა.