ერთა ლიგაზე საქართველოსა და უკრაინის ნაკრებებთან შეხვედრებში ჩეხეთის ნაკრებს პრაღის „სლავიას“ შემტევი ნახევარმცველი მატეი იურაშეკი ვერ დაეხმარება – ინფორმაციას ჩეხეთის ფეხბურთის ფედერაციის პრესსამსახური ავრცელებს.
იურაშეკმა ვარჯიშის დროს ტრავმა მიიღო. ჩეხეთის ნაკრების მწვრთნელმა, ივან ჰაშეკმა მის ნაცვლად ვასილ კუშეი გამოიძახა – დრეზდენის „დინამოს“ აღზრდილი 24 წლის თავდამსხმელი, რომელიც ახლა „მლადა ბოლესლავში“ თამაშობს. მას ნაკრებში მხოლოდ ერთხელ აქვს ნათამაშები – შარშან ევროპის ჩემპიოანტის შესარჩევი ეტაპის ბოლო მატჩში მოლდოვასთან.
ჩეხები 7 სექტემბერს მიხეილ მესხის სახელობის სტადიონზე საქართველოს ნაკრებს დაუპირისპირდებიან, ხოლო 10 სექტემბერს პრაღაში უკრაინას უმასპინძლებენ.
შეგახსენებთ, რომ ევროპის ჩემპიონატის ჯგუფურ ეტაპზე ჩეხეთის ნაკრებმა საქართველოსთან ჰამბურგის სტადიონზე ითამაშა – შეხვედრა ფრედ, 1:1 დასრულდა.
ჩეხეთის ნაკრების შემადგენლობა:
მეკარეები – მატეი კოვარჟი („ლევერკუზენი“), იაკუბ მარკოვიჩი („ოსტრავა“), ადამ ზადრაჟილი („ჰრადეც კრალოვე“);
მცველები – ვლადიმირ ცუფალი („ვესტ ჰემი“), რობინ ჰრანაჩი („ჰოფენჰაიმი“), ლადისლავ რინეში („სპარტა“), მარტინ ვიტიკი („სპარტა“), დავიდ ზიმა („სლავია“), იაროსლავ ზელენი („სპარტა“);
ნახევარმცველები – ვაცლავ ჩერნი („რეინჯერსი“), ლუკაშ ჩერვი („პლზენი“), ვასილ კუშეი („მლადა“), ლუკაშ კალვახი („პლზენი„), ალექს კრალი („ესპანიოლი“), ონდრჟეი ლინგრი („ფეიენოორდი“), ლუკაშ პროვოდი („სლავია“), ტომაშ სოუჩეკი („ვესტ ჰემი“), პაველ შულცი („პლზენი“);
თავდამსხმელები – ტომაშ ჩვანჩარა („გლადბახი“), ადამ ჰლოჟეკი („ჰოფენჰაიმი“), ტომაშ ხორი („სლავია“), პატრიკ შიკი („ლევერკუზენი“).