ვლადიმერ ხინჩეგაშვილი „ქართული ოცნების“ მხარდამჭერ ღონისძიებაზე: ჩვენ კარგად ვიცით, თუ რამხელა მნიშვნელობა აქვს მშვიდობას
„ჩვენ კარგად ვიცით, თუ რამხელა მნიშვნელობა აქვს მშვიდობას”, – განუცხადა „ქრონიკას“ გორის მუნიციპალიტეტის მერმა ვლადიმერ ხინჩეგაშვილმა „ქართული ოცნების“ მხარდამჭერ ღონისძიებაზე.
მისივე თქმით, სწორედ ამიტომაა მნიშვნელოვანი მშვიდობით, ღირსებითა და კეთილდღეობით ევროპისკენ გზა გავიაროთ ყველამ ერთად.
„ახალგაზრდობით სავსეა „თეატრის ბაღი“. გახარებულია გორის მოსახლეობა. ჩვენ კარგად ვიცით, თუ რამხელა მნიშვნელობა აქვს მშვიდობას. ამიტომ, გვსურს მშვიდობით, ღირსებითა და კეთილდღეობით ევროპისკენ გზა გავიაროთ ყველამ ერთად.
ქართველებმა კიდევ ერთხელ დავანახოთ მთელ მსოფლიოს ჩვენი არჩევანი.
ძალიან მნიშვნელოვანია ეს მომავალი ორი თვე, წინასაარჩევნო პერიოდი. 26 ოქტომბერს, ყველამ ერთად, კიდევ ერთხელ უნდა ვაჩვენოთ მთელ მსოფლიოს, თუ რას ნიშნავს ქართველი ხალხი“, – აღნიშნა ვლადიმერ ხინჩეგაშვილმა.