ოზურგეთის მუნიციპალიტეტის სოფელ ბაილეთში საგზაო ინფრასტრუქტურის განახლება და მოწყობა მიმდინარეობს
ოზურგეთის მუნიციპალიტეტის სოფელ ბაილეთში საგზაო ინფრასტრუქტურის განახლება და მოწყობა მიმდინარეობს.
რეგიონული განვითარებისა და ინფრასტრუქტურის სამინისტროს მხარდაჭერით, კეთდება ბაილეთი – ჭანიეთური – კონჭკათის დამაკავშირებელი გზა. საავტომობილო გზის სრული რეაბილიტაციისთვის 1 მილიონ ლარამდე დაიხარჯება.
მიმდინარე სამუშაოები, ოზურგეთის მერმა ავთანდილ თალაკვაძემ, საკრებულოს თავმჯდომარესთან, დავით დარჩიასთან და საკრებულოს წევრებთან ერთად დაათვალიერა.
„საზოგადოებას დავპირდით და ვასრულებთ პირობას – ვაკეთებთ ბაილეთი – ჭანიეთური – კონჭკათის დამაკავშირებელი გზის სრულ რეაბილიტაციას. აქ გზა კაპიტალურად არასოდეს გაკეთებულა და ჩვენს თანამოქალაქეებს ეს პრობლემა ძალიან აწუხებდათ. ოზურგეთის სახელით, მადლობას ვუხდი რეგიონული განვითარებისა და ინფრასტრუქტურის სამინისტროს ამ მნიშვნელოვანი პროექტის მხარდაჭერისთვის“, – აღნიშნა ოზურგეთის მერმა.
