უკრაინის ნაკრების ფეხბურთელი: საქართველოს ბრძოლისუნარიანი და ათლეტური გუნდი ჰყავს, ბურთთან კარგად მუშაობენ
„საქართველოს ბრძოლისუნარიანი და ათლეტური გუნდი ჰყავს, რომელსაც მეტოქის კართან დიდი წნეხის შექმნა შეუძლია”, – განაცხადა უკრაინის ნაკრების ფეხბურთელმა, დმიტრი კრისკივმა.
ფეხბურთელის თქმით, ის და მისი თანაგუნდელები მატჩამდე საქართველოს ნაკრებს დეტალურად შეისწავლიან.
„საჯარიმოში ძალიან ხშირად აწოდებენ. საერთო ჯამში, ძალისმიერი, აგრესიული ფეხბურთი უყვართ. მეტოქის თამაში ჯერ არ გაგვირჩევია, თუმცა ევრო 2024-ზე მატჩებს ვუყურეთ, ტექნიკური გუნდი ჰყავთ, ბურთთან კარგად მუშაობენ“, – აღნიშნა ფეხბურთელმა.
უკრაინა-საქართველოს საფეხბურთო მატჩი პოლონეთში, ქალაქ პოზნანში 11 ოქტომბერს გაიმართება.