ნინო ფოჩხუა: 26 ოქტომბრის არჩევნები საქართველოს ყოფნა-არყოფნის არჩევნებია, ყველამ უნდა გაითავისოს, ვის აძლევს ხმას ქვეყნის ნათელ მომავალს და ეკონომიურ წინსვლას თუ ისევ იმ სისხლიან წარსულში დაბრუნებას, რასაც სააკაშვილის რეჟიმი ჰქვია
“ამჯერად, განვიხილოთ გახარია და 20 ივნისი. დღევანდელი გადასახედიდან უკვე ადვილია იმ დღეს მისი მოღალატეობრივი ქმედებების დანახვა. როგორ მოხდა ის, რომ სპეცნაზი აღმოჩნდა მომიტინგეების პირისპირ ან რეზინის ტყვიების დამიზნებით სროლა ან ამდენი ჟურნალისტისა და მომიტინგის დასისხლიანება”, -წერს ექსპერტი ნინო ფოჩხუა გიორგი გახარიაზე, რომელიც აღნიშნული აქციის დროს შინაგან საქმეთა მინისტრის პოსტს იკავებდა.
მისივე თქმით, საბედისწერო 20 ივნისის შემდეგ არაერთი მიტინგი ჩატარებულა საქართველოში და არც ერთის დაშლას ასეთი შედეგი არ მოჰყოლია.
„მამუკა მდინარაძის დღევანდელმა ბრიფინგმა ყველა იმ კითხვას გასცა პასუხი, რაც დიდი ხანია ხალხში ტრიალებს. დიდი მადლობა მას ამისთვის. ამჯერად, განვიხილოთ გახარია და 20 ივნისი. დღევანდელი გადასახედიდან უკვე ადვილია იმ დღეს მისი მოღალატეობრივი ქმედებების დანახვა. როგორ მოხდა ის, რომ სპეცნაზი აღმოჩნდა მომიტინგეების პირისპირ ან რეზინის ტყვიების დამიზნებით სროლა ან ამდენი ჟურნალისტისა და მომიტინგის დასისხლიანება, როცა იმ საბედისწერო 20 ივნისის შემდეგ არაერთი მიტინგი ჩატარებულა და არც ერთის დაშლას ასეთი შედეგი არ მოჰყოლია. ე.ი. რა გამოდის, თურმე მაშინ როცა გახარიას ქართველ ხალხში ამხელა რეიტინგი ჰქონდა, ქვეყნის აყირავების ანვანგარდში მდგარა, ასე როგორ ინიღბებოდა? რომ არა “ქართული ოცნების” გუნდი, ჩვენ კიდევ დიდხანს ვერ მივხვდებოდით მისი ღალატის შესახებ.
ასე შეიძლება ბევრი ვილაპარაკოთ დანარჩენი დესტრუქციული ოპოზიციის წარმომადგენლებზე, მითუმეტეს მათი ბეგრაუნდი ხელის გულზე დევს. 26 ოქტომბრის არჩევნები საქართველოს ყოფნა-არყოფნის არჩევნებია. ყველამ უნდა გაითავისოს, ვის აძლევს ხმას ქვეყნის ნათელ მომავალს და ეკონომიურ წინსვლას თუ ისევ იმ სისხლიან წარსულში დაბრუნებას, რასაც სააკაშვილის რეჟიმი ჰქვია,“– წერს ნინო ფოჩხუა facebook-ზე.