ვლადიმერ ბოჟაძე: მოახლოებულ საპარლამენტო არჩევნებში “ქართული ოცნების” გამარჯვება ნიშნავს საქართველოსა და ქართველების გამარჯვებას – წინასაარჩევნო კამპანიის ფარგლებში, შეხვედრები გლდანში გრძელდება
“ქართული ოცნება- დემოკრატიული საქართველოს” გლდანის დელეგატი ვლადიმერ ბოჟაძე წინასაარჩევნო კამპანიის ფარგლებში, გლდანულის N6 და N6ა კორპუსებთან მოსახლეობას შეხვდა.
დელეგატმა შეხვედრაზე ისაუბრა განხორციელებულ და დაგეგმილ პროექტებზე. 2024 წლის არჩევნების მნიშვნელობასა და იმ გამოწვევებზე, რომლის წინაშეც მათი გუნდი დგას.
“გლდანულა ყოველთვის გამოირჩეოდა მაღალი მოქალაქეობრივი თვითშეგნებითა და ქვეყნის უანგარო სიყვარულით, ამას წინა არჩევნების შედეგიც მოწმობს. გულთბილმა შეხვედრამ გლდანულელებთან კიდევ ერთხელ დამარწმუნა 26 ოქტომბრის გამარჯვებაში. მოახლოებულ საპარლამენტო არჩევნებში „ქართული ოცნების“ გამარჯვება ნიშნავს საქართველოსა და ქართველების გამარჯვებას”,- განაცხადა ვლადიმერ ბოჟაძემ.