პიტერ სიიარტო: თუ ოპოზიცია გაიმარჯვებდა, დემოკრატიის პრობლემა არ იქნებოდა, რადგან გაიმარჯვა მმართველმა პარტიამ, რომელიც სუვერენულობის, მშვიდობის და ოჯახის მომხრეა, არის ბრალდებები არჩევნებთან დაკავშირებით

“არც ერთ საერთაშორისო ორგანიზაციას არ უთქვამს, რომ ეს არჩევნები არ იყო თავისუფალი ან სამართლიანი დემოკრატიისთვის”,  – ამის შესახებ უნგრეთის საგარეო საქმეთა და ვაჭრობის მინისტრმა, პიტერ სიიარტომ განაცხადა.

მისი თქმით, თუ საქართველოს საპარლამენტო არჩევნებში ოპოზიცია გაიმარჯვებდა, დემოკრატიის პრობლემა არ იქნებოდა, მაგრამ რადგან სუვერენიტეტის, მშვიდობის და ოჯახის მომხრე მმართველმა პარტიამ გაიმარჯვა, არჩევნებთან დაკავშირებით ბრალდებებიც ისმის.

„თუ მემარჯვენე პარტიები, ან კონსერვატორები ან სუვერენულობის მომხრეები იმარჯვებენ, ჩვეულებრივ, ეს დემოკრატიის სისტემატური პრობლემაა. თუ ლიბერალები გაიმარჯვებენ, მაშინ ყველაფერი კარგადაა, მზე ანათებს. ეს ძალზე მარტივია. ჩვენ გვყავდა უნგრელი დამკვირვებლები აქ და მათ ძალიან მკაფიო მოხსენება გააკეთეს, რომ ეს იყო თავისუფალი, სამართლიანი და კონკურენტული არჩევნები და ჩვენ გვჯერა უნგრელი დამკვირვებლების.“ – განაცხადა პიტერ სიიარტომ. რაც შეეხება შეკითხვას იმასთან დაკავშირებით, რომ ბრიუსელმა საქართველოსთან ევროინტეგრაციის პროცესი გაყინა, სიიარტომ ეს ქმედება შეაფასა როგორც სირცხვილი, ევროკავშირში სრული ინტეგრაციის პროცესში კი ქვეყანას დახმარება აღუთქვა. „ეს სირცხვილია, ეს წმინდა პოლიტიკური გადაწყვეტილებაა იმის გამო, რომ ბრიუსელს აქ სხვა მთავრობა სურდა, ეს ფაქტია. რა თქმა უნდა, აბსოლუტურად ყველაფერს გავაკეთებთ, [საქართველოს ევროკავშირში ინტეგრაციისთვის]”, – აღნიშნა სიიარტომ.