CNN: აშშ-ის კაპიტოლიუმის ვიზიტორთა ცენტრში მამაკაცი დააკავეს, რომელსაც სასიგნალო პისტოლეტი ჰქონდა
აშშ-ის კაპიტოლიუმის ვიზიტორთა ცენტრში მამაკაცი დააკავეს, რომელსაც სასიგნალო პისტოლეტი ჰქონდა. ინფორმაციას ამის შესახებ ტელეკომპანია CNN ავრცელებს.
როგორც კაპიტოლიუმის პოლიციაში განაცხადეს, მამაკაცი უსაფრთხოების შემოწმებას გადიოდა, როდესაც ოფიცრებმა სასიგნალო პისტოლეტი დაინახეს.
სამართალდამცველებმა მამაკაცი დაუყოვნებლივ დააკავეს.
კაპიტოლიუმის ვიზიტორთა ცენტრი დღის განმავლობაში დაკეტილი იქნება.
დღეს აშშ-ში რიგით მე-60 საპრეზიდენტო არჩევნები იმართება. პრეზიდენტის გარდა, ამერიკელი ამომრჩევლები 33 სენატორს, 435 კონგრესმენს, 11 შტატისა და ორი ტერიტორიის გუბერნატორებსა და ადგილობრივი ხელისუფლების ორგანოებს ირჩევენ.