პაკისტანში თვითმკვლელმა ტერორისტმა რკინიგზის სადგურზე თავი აიფეთქა – დაღუპულია სულ მცირე 24 ადამიანი
სამხრეთ-დასავლეთ პაკისტანში, ქალაქ კვეტას ცენტრალურ რკინიგზის სადგურზე აფეთქების შედეგად სულ მცირე 24 ადამიანი დაიღუპა, 53 კი დაშავდა. ამის შესახებ ინფორმაციას CNN ავრცელებს.
„რკინიგზის სადგურზე აფეთქება თვითმკვლელი ტერორისტული აქტი იყო“, – განაცხადა ადგილობრივმა კომისარმა ჰამზა შაფქაათმა.
ქალაქის პოლიციის უფროსის, მუჰამედ ბალოჩის განცხადებით, შემთხვევა ადგილობრივი დროით 09:00 საათზე, იმ დროს მოხდა, როდესაც ბაქანზე დიდი რაოდენობით მგზავრები იმყოფებოდნენ.
არსებული ცნობით, მომხდარზე პასუხისმგებლობა აიღო სეპარატისტულმა შეიარაღებულმა დაჯგუფებამ Baloch Liberation Army.