ნინო წილოსანი გამჭვირვალობის კანონის წინააღმდეგ არასამთავრობოების საჩივარზე: ვერ შეძლეს ერთი არგუმენტიც რომ ეთქვათ, რატომ არ უნდა იმუშაოს ამ ქვეყანაში გამჭვირვალობის პრინციპმა, ეს სარჩელი მარცხისთვისაა განწირული
“სარჩელი გაგზავნილიც რომ იყოს, ვიცით, რომ ეს სარჩელი უშინაარსოა, რადგან შინაარსის დამტკიცება ვერც ქვეყნის შიგნით შეძლეს და ვერ შეძლეს ერთი არგუმენტიც ეთქვათ, რატომ არ უნდა იმუშაოს ამ ქვეყანაში გამჭვირვალობის პრინციპმა”, – ასე გამოეხმაურა პარლამენტის ვიცე-სპიკერი ნინო წილოსანი არასამთავრობო ორგანიზაციების განცხადებას გამჭვირვალობის კანონის წინააღმდეგ სტრასბურგის სასამართლოში საჩივრის გაგზავნასთან დაკავშირებით.
„საზოგადოებას წინასაარჩევნოდ აშინებენ რომ სტრასბურგის სასამართლოშია გაგზავნილი სარჩელი, თუმცა მათი ამ განცხადებიდან დიდი ხანია გასული და სტრასბურგის სასამართლოს არაფერი მიუღია, ყოველი შემთხვევისთვის საჯაროდ და ჩვენთვის არაფერია ცნობილი. ახლა თავის მართლება გადაწყვიტეს „ფედექსის“ ფარატინა ფურცლითა და გზავნილის ნომრით, რომელიც არაფერს გვეუბნება. რაც არ უნდა სარჩელი იყოს გაგზავნილი, ვიცით, რომ ეს სარჩელი უშინაარსოა, რადგან შინაარსის დამტკიცება ვერც ქვეყნის შიგნით შეძლეს, ვერ შეძლეს ერთი არგუმენტიც ეთქვათ, რატომ არ უნდა იმუშაოს ამ ქვეყანაში გამჭვირვალობის პრინციპმა, რატომ არ უნდა იცოდეს ქართულმა საზოგადოებამ რაში იხარჯება უცხოური დაფინანსება და რა მიზანს ემსახურება. რასაც ქვეყნის შიგნით აცხადებდნენ, იმავეს ჩაწერენ სარჩელში, რომელიც მარცხისთვისაა განწირული“, – განაცხადა წილოსანმა.
„ახალგაზრდა იურისტთა ასოციაცია“ თავს იმართლებს – „ქრონიკა“ დაინტერესდა, სად არის სარჩელი, რომლის გაგზავნასაც ორგანიზაცია სტრასბურგში სხვა „ენჯეოებთან“ ერთად არჩევნებამდე აანონსებდა და რომლის მიზანი გამჭვირვალობის კანონის გასაჩივრება იყო.