ალენ ბერსე: ჩვენ აქ ვართ იმისთვის, რომ მხარდაჭერა გამოვუცხადოთ ქვეყანას, რათა ძალადობა იყოს დაგმობილი ყველა მიმართულებით
“მე არ ვიყავი უშუალოდ დემონსტრაციების ადგილზე, არ მიმიღია მონაწილეობა, შესაბამისად, ვერ გავაკეთებ შეფასებას. ჩვენ აქ ვართ იმისთვის, რომ ჩვენი კომპეტენციები, ჩვენი მხარდაჭერა გამოვუცხადოთ ქვეყანას იმისათვის, რომ ძალადობა იყოს დაგმობილი ყველა მიმართულებით”, – განაცხადა ევროპის საბჭოს გენერალურმა მდივანმა ალენ ბერსემ თბილისში გამართულ პრესკონფერენციაზე პასუხად კითხვაზე – ფლობს თუ არა ის ინფორმაციას იმის შესახებ, რომ აქციების დროს 150-ზე მეტი პოლიციელი დაშავდა.
„კონკრეტულ დეტალზე ნამდვილად ვერ გავაკეთებ კომენტარს, ამიტომ გვჭირდება კანონის უზენაესობა, სტაბილური ინსტიტუციები იმისთვის, რომ ყველა პრობლემაზე ვიმუშაოთ. მე არ ვიყავი უშუალოდ დემონსტრაციების ადგილზე. მე არ მიმიღია მონაწილეობა, შესაბამისად, ვერ გავაკეთებ შეფასებას. ჩვენ აქ ვართ იმისთვის, რომ ჩვენი კომპეტენციები, ჩვენი მხარდაჭერა გამოვუცხადოთ ქვეყანას იმისათვის, რომ ძალადობა იყოს დაგმობილი ყველა მიმართულებით და, რა თქმა უნდა, დანარჩენი ეს არის საქართველოს ხელისუფლების უფლებამოსილება.
რა თქმა უნდა, ძალიან მნიშვნელოვანია, რომ არავითარ შემთხვევაში არ იყოს დაშვებული ის, რომ ძალადობა გადაიქცეს დაუსჯელობაში და ამიტომაც არსებობენ უწყებები, ამიტომაც არსებობს კანონები და ამიტომაც ევროპის საბჭო მუდმივად საუბრობს და მუდმივად იმეორებს, რომ სამართლიანობა, კანონის უზენაესობა, სამართლიანი აღსრულება კანონების არის მნიშვნელოვანი“, – განაცხადა ბერსემ.