ტრამპი: ევროკავშირი ძალიან ცუდად გვეპყრობოდა – ევროკავშირი ფრთხილად უნდა იყოს, ასე ვერ მოგვექცევიან
აშშ-ის არჩეულმა პრეზიდენტმა, დონალდ ტრამპმა ქალაქ ფინიქსში სიტყვით გამოსვლისას მისი ადმინისტრაციის პირობებში ევროკავშირთან ურთიერთობებზე ისაუბრა.
„ევროკავშირი ძალიან ცუდად გვეპყრობოდა. ჩვენ გვაქვს ასობით მილიარდი დოლარის დეფიციტი [ევროკავშირთან სავაჭრო ურთიერთობებში]. ჩვენს მანქანებს არ იღებენ. ისინი არ იღებენ სოფლის მეურნეობის ჩვენს პროდუქციას. მაგრამ ჩვენ მათ პროდუქციას ვიღებთ. ევროკავშირი ფრთხილად უნდა იყოს. ასე ვერ მოგვექცევიან“, – აღნიშნა დონალდ ტრამპმა.