„იგი აცხადებს, რომ არის ლეგიტიმური პრეზიდენტი, რაც სასაცილოა. ამავე დროს სამარცხვინოცაა, ვინაიდან პოლიტიკურ ველზე რა სიტუაციაც არ უნდა იყოს, როგორ ვითარებაშიც არ უნდა განიხილო სალომე ზურაბიშვილის ფიგურა, იგი არის ექსპრეზიდენტი”, – განაცხადა გადაცემაში „იმედი LIVE“ პარლამენტის პირველმა ვიცე-სპიკერმა, გიორგი ვოლსკიმ.
მან კომენტარი ექსპრეზიდენტის განცხადებაზე გააკეთა, რომელიც ვადამდელი არჩევნების დანიშვნის საკითხს ეხებოდა. ვოლსკის თქმით, ვადამდელი არჩევნების დანიშვნის პერსპექტივა რეალობაში არ არსებობს.
„ყველანაირ გარემოებაში არსებობს ერთი მთავარი მოცემულობა, ეს არის კალენდარი – როდესაც იყო არჩეული და როდესაც მისი ვადა დასრულდა. მისი ქარაფშუტული გამოთქმებიც რომ დავივიწყოთ, როგორიც არის, საქართველო თურმე, რუსული საგარეო პოლიტიკის ორბიტაზე გავიდა, ან ის სისულელე, რომ ელექტრონული არჩევნების გაყალბება შესაძლებელია, თუკი რუსული რესურსი შემოიჭრა, აი, ამ ამერიკულ ელექტრონულ სისტემაში – რეალობიდან შორს არის კი არა, ასეთი რეალობა არ არსებობს“, – განაცხადა ვოლსკიმ.