„საქართველოს მელიორაციამ“ დმანისის მუნიციპალიტეტში 7 მლნ ლარის ღირებულების პროექტი განახორციელა.
სამუშაოების ფარგლებში, გამაგრდა და მონოლითური რკინაბეტონის ფილებით მოპირკეთდა კაშხალის ფერდი, მოეწყო ტალღამრიდის დამცავი რკინაბეტონის 1200 მეტრი სიგრძის კედელი, წყალსაცავის სარეგულაციო კოშკზე დამონტაჟდა ელექტროგანათების და ელექტრომექანიკური ამწე დანადგარები; ასევე, კაშხლის თხემზე აშენდა ბეტონის 1,3 კმ სიგრძის სამანქანო გზა.
ჩატარებული სამუშაოები წყალსაცავის გამართულად ფუნქციონირებას უზრუნველყოფს, რომელიც სარწყავი წყლით დაახლოებით 3000 ჰექტარ სასოფლო-სამეურნეო მიწის ფართობს ამარაგებს.
წყალსაცავზე განხორციელებული სამუშაოები „საქართველოს მელიორაციის“ გენერალურმა დირექტორმა თამაზ მღებრიშვილმა ადგილობრივ მოსახლეობასთან ერთად დაათვალიერა.