„პსჟ“-ს პრეზიდენტი: ხვიჩა მსოფლიო ფეხბურთის ერთ-ერთი ყველაზე ამაღელვებელი მოთამაშეა – ფანტასტიკური ნიჭი
მოხარულნი ვართ მივესალმოთ ხვიჩა კვარაცხელიას „პარი სენ-ჟერმენის“ ოჯახში, – განაცხადა პარიზული კლუბის პრეზიდენტმა, ნასერ ალ-ხელაიფიმ.
„ხვიჩა მსოფლიო ფეხბურთის ერთ-ერთი ყველაზე ამაღელვებელი მოთამაშეა – ფანტასტიკური ნიჭი, მაგრამ ასევე ფეხბურთელი, რომელსაც აქვს გამბედაობა და გუნდისთვის იბრძვის. ხვიჩას გადაწყვეტილი ჰქონდა, რომ ჩვენი დიდი კლუბის ნაწილი გამხდარიყო. ვიცი, რომ ის ჩვენთან ერთად მიაღწევს თავის ყველა მიზანს. მოხარულნი ვართ, რომ გავაძლიერებთ ჩვენს შემადგენლობას“, – აღნიშნა „პარი სენ-ჟერმენის“ პრეზიდენტმა.