ისრაელი დასავლეთ სანაპიროზე სამხედრო ოპერაციებს განაგრძობს. “ჰამასის” ინფორმაციით, საჰაერო იერიშს ქალაქ ტულ-კარმში დაჯგუფების 2 წევრი ემსხვერპლა. ოპერაციები გრძელდება ჩრდილოეთით ჯენინშიც.
რაც შეეხება მძევლების გათავისუფლებას: ისრაელმა დაადასტურა, რომ ტერორისტული ორგანიზაციისგან სიები მიიღო. დაგეგმილია 25 მძევლის გათავისუფლება, ისრაელს გადასცემენ 8 ცხედარს.
ცნობილი ხდება, რომ შემდეგ კვირას ბენიამინ ნეთანიაჰუ ამერიკაში დონალდ ტრამპს შეხვდება.