ნაციონალური მოტოსპორტის ფედერაციის ორგანიზებით, 2024 წლის წარმატებული მოტომრბოლელების გალა-დაჯილდოება გაიმართა.
ღონისძიებაზე დაჯილდოვდნენ 2024 წლის გამარჯვებული მოტომრბოლელები, რომლებმაც შესაბამის დისციპლინებში საპრიზო ადგილები დაიკავეს.
სპორტის სამინისტროს მხარდაჭერით, გასულ წელს ტურნირები მოტოსპორტის ოთხ სახეობაში გაიმართა. ასევე ჩატარდა შეჯიბრებები რეგიონებში, რომლებშიც ადგილობრივი კლუბები აქტიურად მონაწილეობდნენ.
ასევე, მოტოსპორტის ფედერაციამ საშეჯიბრო დროის აღრიცხვის სისტემა შეიძინა, რაც სამომავლოდ შეჯიბრებების უფრო სამართლიანად ჩატარებას შეუწყობს ხელს.