აშშ-ის ქალაქ ჰიუსტონის აეროპორტში ავიაკომპანია United Airlines-ის თვითმფრინავიდან მგზავრების და ეკიპაჟის წევრების ევაკუაცია მოხდა. თვითმფრინავის ძრავს ცეცხლი გაუჩნდა. ამის შესახებ fox10 იუწყება.
აშშ-ის სამოქალაქო ავიაციის ფედერალური სამმართველოს ცნობით, ეკიპაჟმა აფრენა შეწყვიტა, რადგანაც თვითმფრინავის ერთ-ერთ ძრავს ცეცხლი გაუჩნდა. Airbus A319 ჰიუსტონიდან ნიუ-იორკში უნდა გაფრენილიყო.
მგზავრების ევაკუაცია ავარიული გასასვლელებიდან მოხდა. ხანძარი მეხანძრეებმა ჩააქრეს. ინციდენტის შედეგად არავინ დაშავებულა.