სამხრეთ კორეის სადაზვერვო სამსახურის ინფორმაციით, ჩრდილოეთ კორეამ რუსეთს 200 ერთეული შორ მანძილზე მოქმედი საარტილერიო სისტემა გაუგზავნა
ჩრდილოეთ კორეამ რუსეთს 200 ერთეული შორ მანძილზე მოქმედი საარტილერიო სისტემა გაუგზავნა, – ამის შესახებ სამხრეთ კორეული მედია, ქვეყნის სადაზვერვო სამსახურზე დაყრდნობით ავრცელებს ინფორმაციას.
სამხრეთ კორეის მედიის ცნობით, ფხენიანი სავარაუდოდ აპირებს, რუსეთში გაგზავნოს დამატებითი ჯარისკაცები და სამხედრო აღჭურვილობა.
სამხრეთ კორეაში აცხადებენ, რომ ჩრდილოეთ კორეა მიმდინარე წელს სავარაუდოდ გააორმაგებს იარაღის განვითარებას, რაც არის მისი ხუთწლიანი გეგმის ბოლო წელი და ეს გეგმა მოიცავს თანამედროვე შეიარაღების განვითარებას, მათ შორისაა ბირთვული ენერგიის წყალქვეშა ნავები, ჯაშუშური თანამგზავრები და მყარი საწვავის კონტინენტთაშორისი ბალისტიკური რაკეტები.
სამხრეთ კორეის მედიის შეფასებით, ეს ზრდის შესაძლებლობას, რომ ჩრდილოეთ კორეამ მიიღო რუსეთის ტექნოლოგიური დახმარება სამხედრო დახმარების სანაცვლოდ.