ჩემპიონთა ლიგის პლეი ოფის პირველ მატჩში „პარი სენ-ჟერმენმა“ სტუმრად 3:0 დაამარცხა „ბრესტი“. პარიზელთა რიგებში ერთ-ერთი გოლი ვიტინიამ გაიტანა და ის საიუბილეო აღმოჩნდა პორტუგალიელი ფეხბურთელებისთვის ტურნირზე.
კერძოდ, ვიტინიას გოლის შემდეგ, პორტუგალიელ ფეხბურთელებს ჩემპიონთა ლიგაზე 500 გოლი დაუგროვდათ. პირველი გოლი 1992 წლის 25 ნოემბერს ჟაიმე მაგალიაეშმა გაიტანა. საინტერესოა, რომ პორტუგალიელთა 500 გოლიდან 28 პროცენტი კრიშტიანო რონალდოზე მოდის.
ქვეყნები, რომელთა ფეხბურთელებმაც ყველაზე მეტი გოლი გაიტანეს ჩემპიონთა ლიგაზე:
ბრაზილია – 1086
საფრანგეთი – 905
ესპანეთი – 834
გერმანია – 668
არგენტინა – 640
ინგლისი – 536
ნიდერლანდები – 531
პორტუგალია – 500
იტალია – 481