პიტ ჰეგსეტი: ნატო უფრო ძლიერი, უფრო მომაკვდინებელი უნდა იყოს, და არა დიპლომატიური კლუბი
აშშ-ის თავდაცვის მდივანმა პიტ ჰეგსეტმა სოციალურ ქსელ X-შ დაწერა, რომ ნატო უნდა იყოს უფრო ძლიერი, უფრო მომაკვდინებელი, და არა დიპლომატიური კლუბი.
“ჩამოვედი ნატოს შტაბ-ბინაში. ჩვენი მისწრაფება ნათელია: ნატო უნდა იყოს უფრო ძლიერი, უფრო მომაკვდინებელი, და არა დიპლომატიური კლუბი. დროა მოკავშირეებმა ამას ფეხი აუწყონ“, – დაწერა ჰეგსეტმა.
ცნობისთვის, ბრიუსელში, ნატოს შტაბ-ბინაში უკრაინის თავდაცვის საკონტაქტო ჯგუფის – „რამშტაინის ფორმატის“ – შეხვედრა იმართება. ჰეგსეტი მასში პირველად იღებს მონაწილეობას.