ჩინეთში, ქალაქ ჰანგჟოუში, საერთაშორისო სარეიტინგო ტურნირი „კარატე 1 – პრემიერ ლიგა“ მიმდინარეობს. პრესტიჟულ შეჯიბრებაზე ჩემპიონობა იზეიმა მერაბ გელაშვილმა (+ 84 კგ). ქართველმა კარატისტმა ფინალში ირანელი სალეჰ აბაზარი ანგარიშით 5:3 დაამარცხა და ოქროს მედალი მოიპოვა.
ფინალამდე ქართველმა კარატისტმა გერმანიის, იტალიის, საუდის არაბეთისა და ხორვატიის წარმომადგენლებს სძლია, ნახევარფინალში კი იტალიელი მატეო ავანცინი დაამარცხა.
ქართველი სპორტსმენები საერთაშორისო ტურნირზე საქართველოს სპორტის სამინისტროს მხარდაჭერით ასპარეზობდნენ.
