რუსეთის ფედერაციის საგარეო საქმეთა მინისტრის, სერგეი ლავროვის განცხადებით, რუსული მხარე შავი ზღვის ინიციატივის განახლების მომხრეა, მაგრამ ყველა მხარისთვის მისაღები ფორმით.
„ჩვენ მომხრე ვართ შავი ზღვის ინიციატივის რაიმე ფორმით განახლების – ეს ფორმა ყველა მხარისთვის მისაღები უნდა იყოს“, – აცხადებს ლავროვი.
ლავროვის თქმით, ეს საკითხი ერ-რიადში მოლაპარაკებების დროს განიხილეს.
„ჩვენი პოზიცია მარტივია – ამ კაცის {ვოლოდიმირ ზელენსკი} ჩვენ არ გვჯერა“, – აცხადებს ლავროვი.
რუსეთის საგარეო საქმეთა სამინისტროს ხელმძღვანელმა ასევე განაცხადა, რომ აშშ-ისა და რუსეთის პრეზიდენტები მოლაპარაკებების შედეგების შესახებ ინფორმირებულები არიან.
ცნობისთვის, შავი ზღვის ინიციატივა ცნობილია, როგორც მარცვლეულის შესახებ გარიგება.
