„მის საქართველო 2017"-ის გამარჯვებული 24 წლის ნია წივწივაძეა.

მას ბიზნეს ადმინისტრირების და მენეჯმენტის ფაკულტეტი აქვს დამთავრებული. უყვარს მოგზაურობა და ცურვა. აქვს საკუთარი ბლოგი, სადაც წერს სტატიებს და აღწერს თავის შთაბეჭდილებებს მოგზაურობასთან დაკავშირებით. სანამ გეზს სამოდელო სააგენტო „იმიჯ ცენტრისკენ" აიღებდა, ის ნინო ცქიტიშვილის look models -ის მოდელი გახლდათ, რა დროსაც ჩინეთში სამოდელო კარიერის დიდი გამოცდილება მიიღო.

არის სპორტის აქტიური გულშემატკივარი, რაც იმითაც აიხსნება, რომ ის ცნობილი კალათბურთელის ბექა წივწივაძის, მოდელის და ტელეწამყვანის მანიკა ასათიანის მეუღლის და გახლავთ. რაც შეეხება მის პირად ცხოვრებას, მისი შეყვარებული ასევე სპორტსმენი ნიკუშა ჭანტურიაა.