გასულ კვირას ტინა კუნაკი 25 წლის გახდა. დაბადების დღის აღსანიშნავად მოდელმა და მისმა მეუღლემ, ვენსან კასელმა ყველა ახლო მეგობარი პარიზის ერთ-ერთ ბარში შეკრიბეს. საღამოს ვარსკვლავმა ორი სამოსის გამოცვლა მოახერხა და ბევრი ადამიანის ყურადღება მიიპყრო.
რესტორანში ვახშამზე კუნაკი ბრჭყვიალა ზურმუხტისფერი Alexandre Vauthier-ის მაქსი-კაბით გამოჩნდა.
ამის შემდეგ კი ტინა სტუმრების წინაშე Balenciaga-ს ახალი კოლექციიდან ულტრა სექსუალური კაბით წარსდგა - მაქმანებიანი კორსეტი იდეალურად ერწყმოდა ვარდისფერ კოლგოტსა და ჩანთას.
მანამდე მსგავსი ლუქი დუა ლიპამ სცადა.