დიახ, და ვერ ვიტანდი ამ როლს. იშვიათად ვირგებ ანტაგონისტის როლს. როგორც ჩანს, მას ორი სიცოცხლე აქვს: ღირსეული ადამიანის ცხოვრება და ურჩხულის ცხოვრება. ამ დუალიზმმა დამაინტრიგა. დიდი ხანია. მინდოდა გამოვსულიყავი იმ როლიდან, რომელშიც ჩემი კარიერის უმეტეს ნაწილში მხედავდნენ. როლისთვის წონაში დავიკელი. მაკიაჟი და ზოგიერთი ნიუანსი ასევე დამეხმარა ახალი იერის შექმნაში.

დავანა შეპყრობილია სიბერესთან ბრძოლის იდეით. როგორ ეგუებით ასაკს?

დადებითად. ასაკმა მომცა ახალი შესაძლებლობები, წვდომა მრავალფეროვან როლებზე. დავანა სილმანის როლი Flashback-ში ჩემთვის ახალი კარის გასაღებივითაა. მე ასევე, ვთამაშობ როლს სპექტაკლში „მარია კალასი: წერილები და მოგონებები“. საინტერესო მომენტია: ისეთ გმირებსაც კი, როგორიც მარია კალასია, ახალგაზრდობაში ვერ ვითამაშებდი. ასეთი ქალის გასაგებად ცხოვრებისეული გამოცდილებაა საჭირო. ის დივაა, უზარმაზარი ნიჭის მფლობელი, მაგრამ ამავდროულად, უბრალო გულის ქალია. რეალურად, ის მონატრებისგან გარდაიცვალა.