ბრედლი კუპერი გულწრფელად ესაუბრა SmartLess-ის პოდკასტის წამყვანებს, მათ შორის იმ დამოკიდებულებებზე, რომლებსაც ებრძოდა, ვიდრე ნამდვილ პოპულარობას მოიპოვებდა. მანამდე, 47 წლის მსახიობმა პრესაში აღიარა, რომ 2000-იანი წლების დასაწყისში იგი ნარკოტიკებსა და ალკოჰოლზე დამოკიდებული გახდა, ხოლო, როდესაც გამოფხიზლდა, დეპრესიულ მდგომარეობაში ჩავარდა. ზოგჯერ თვითმკვლელობაზეც ფიქრობდა.

ინტერვიუში კუპერი იხსენებს, რომელ მომენტში მიხვდა, რომ სჭირდებოდა ალკოჰოლზე და ნარკოტიკების ლეგალურ მოხმარებაზე უარის თქმა. როგორც გაირკვა, ამაში თავისი როლი ითამაშა კუპერის კოლეგამ, უილ არნეტმა, რომელიც ასევე SmartLess-ის პოდკასტის ერთ-ერთი წამყვანია. არნეტი იმ დროს დაქორწინებული იყო და ცხოვრობდა მეზობლად, ამიტომ მსახიობები დროდადრო ერთად დადიოდნენ წვეულებებზე. ერთ-ერთი ასეთი წვეულების შემდეგ უილმა ბრედლის უთხრა, რომ მთელი საღამო „სრული იდიოტივით იქცეოდა“, უცნაურად და უხეშად ხუმრობდა, თუმცა თავად კუპერს ეგონა, რომ ის თავის სიმაღლეზე იყო.

გარდა ამისა, არნეტმა შეარცხვინა მეზობელი: უკვე შუადღის ოთხი იყო და მას კიდევ არ ჰყავდა ძაღლები სასეირნოდ გაყვანილი. კუპერი იხსენებს: "იმ დღეს პირველად მივხვდი, რომ ნარკოტიკების და ალკოჰოლის პრობლემა მქონდა. უილმა მითხრა ეს და არასდროს დამავიწყდება... სულ დავიკარგე, კოკაინზე ვიყავი დამოკიდებული... 2004 წლის ივლისში უილი რისკზე წავიდა ჩემთან ამ პირდაპირი და რთული საუბრით და დამეხმარა, სწორ გზაზე დავმდგარიყავი, გადამეწყვიტა ცხოვრების შეცვლა”.