logo_geo
მეორე მსოფლიო ომში დაკარგული ქართველი მეომრის, ხუტუ ნიკოლოზის ძე მიმინოშვილის ნეშტი პეტერბურგის მახლობლად აღმოაჩინეს
- +

18 ივლისი. 2017. 19:36



რუსეთში, პეტერბურგის მახლობლად აღმოჩენილია მეორე მსოფლიო ომში დაკარგული ქართველი მეომრის, ხუტუ ნიკოლოზის ძე მიმინოშვილის ნეშტი.


ვეტერანების საქმეთა სახელმწიფო სამსახურის გავრცელებული ინფორმაციით, 13 მეომრის ნეშტიდან ერთ-ერთის ჯიბეში აღმოჩნდა კოვზი, წარწერით „ხუტუ" და სწორედ ამ ფაქტმა განაპირობა მეომრის ვინაობის დადგენა.

 

აბაშის რაიონის კომისარიატის მიერ ხუტუ მიმინოშვილი გაწვეულ იქნა 1939 წელს. ქართველი მებრძოლი მონაწილეობდა საბჭოთა კავშირისა და ფინეთის ომში. 1919 წელს დაბადებული ჯარისკაცის კვალი მეორე მსოფლიო ომის დასაწყისშივე, 1941 წლის აგვისტოში იკარგება. 2016 წელს ორგანიზაციამსაძიებო რაზმი - ჩრდილო საზღვარი" ქალაქ პეტერბურგის შემოგარენში აღმოაჩინა 13 მეომრის ნეშტი. მათგან ერთ-ერთს ჯიბეში ჰქონდა კოვზი, წარწერითხუტუ". საარქივო მასალების გამოყენებით დადგინდა კოვზის მფლობელი მეომრის ვინაობა და ორგანიზაციის წევრები დაუკავშირდნენ ხუტუ მიმინოშვილის ოჯახის წევრებს ზუგდიდსა და აბაშაში. ნეშტი ხუტუ მიმინოშვილის ძმის შვილმა იოსებ მიმინოშვილმა გადმოასვენა საქართველოში. ქართველ მეომარს საპატიო ყარაულით და ზალპით, კუკიის საგვარეულო სასაფლაოზე, 23 ივლისს დაკრძალავენ ოჯახის წევრების გვერდით", - ნათქვამია ვეტერანების საქმეთა სახელმწიფო სამსახურის ინფორმაციაში.




 

big_banner
არქივი