2008 წლის 5 იანვარია. ფორმალურად დანიშნული რიგგარეშე საპრეზიდენტო არჩევნების დღე. ბადრი პატარკაციშვილის საარჩევნო შტაბში ვარ მივლინებული. ბადრი საქართველოში არაა. მიმსვლელ-მომსვლელი ბევრია - ზოგი გულშემატკივარი, ზოგი მოღალატე, ზოგი აგენტი.
დაახლოებით დილის 11 საათისთვის მოდის თენგიზ გოგოტიშვილი. დარბაზის ერთ მხარეს საკმაოდ ნოყიერი სუფრაა გაშლილი, მგონი ხაშლამაც კი მოუტანიათ. თენგიზი ისე იქცევა, როგორც საკუთარ სახლში - მიუჯდა სუფრას და იღმურძლება მიშასებურად, მოხეულ პირში იტენის ძეხვეულობას, აყოლებს მინერალურ სასმელებს, "კოკა-კოლას", მერე ისევ იტენის თხლად დაჭრილ ხორცის ნაჭრებს, ერთი გემრიელად აბოყინებს და 12 საათისთვის გადის ეზოში.
რა ხდება გარეთ? პირდაპირი ჩართვა აქვს „რუსთავი 2"-ის ეთერში... დაახლოებით 10 წუთის განმავლობაში ლანძღავს ბადრი პატარკაციშვილს!
გული მერევა... ტიპი ჯერ გაძღა ბადრის ფულით გაშლილ სუფრაზე, შემდეგ დაასამარა თავისი უნიჭო სარკაზმით, ლანძღა უკანასკნელი სიტყვებით, ახლა კი ეღადავება სვანებს!
გელა ზედელაშვილი