ეთნიკურობისა და მულტიკულტურურალიზმის ცენტრის დირექტორის გიორგი სორდიას ინფორმაციით, მათ მცირე ეთნიკური ჯგუფი - თათები, იგივე ლაიჯები აღმოაჩინეს.
გიორგი სორდიას განმარტებით, თათები ეთნიკურად ირანული წარმოშობისაა და სოფელ გომბორში ცხოვრობენ.
მისი თქმით, კვლევის ფარგლებში მათ მცირე ეთნიკური ჯგუფის ასამდე წარმომადგენელი აღრიცხეს.
თათები/ლაიჯები საქართველოში მე-20 საუკუნის 20-იან წლებში ჩამოვიდნენ. ისტორიულად ისინი ირანში, დაღესტანსა და აზერბაიჯანში ცხოვრობენ.
მათი ენა ირანული წარმოშობის ენათა ჯგუფს მიეკუთვნება.