„ნამახვანჰესის“ მოწინააღმდეგეები საპროტესტო აქციას აგრძელებენ. ვარლამ გოლეთიანის თქმით, ორშაბათს „ენკას“ ოფისისკენ მსვლელობას მოაწყობენ. მისივე განცხადებით, სიმბოლურად, მცირე ხნით, შენობის ბლოკირებას გეგმავენ.

აქციის ერთ-ერთი ორგანიზატორი ხელისუფლებას მოუწოდებს, სოფელ გუმათში განთავსებული რკინის ჯებირები აიღონ. მისივე განმარტებით, შაბათს თბილისში ევროკავშირის ენერგეტიკული გაერთიანების წარმომადგენლები ჩავლენ, რომლებიც შეხვედრებს როგორც ხელისუფლების, ისე აქციის მონაწილეებთან გამართავენ.