ჯარედ ლეტომ განაცხადა, რომ Thirty Seconds To Mars-მა მომავალი ალბომისთვის დაახლოებით 200 ახალი სიმღერა დაწერა .
მუსიკოსი NME-ს ასევე ესაუბრა რიდლი სკოტის ახალ ფილმზე „გუჩის სახლი“, რომელშიც ის პაოლო გუჩის როლს ასრულებს ლედი გაგასთან, ადამ დრაივერთან და ხსვებთან ერთად.
ფილმის 70-80-იანი წლების საუნდტრეკის, მათ შორის Eurythmics-ის, Blondie-ისა და George Michael-ის სიმღერების განხილვისას ლეტომ განმარტა, რომ იმ ეპოქის, იტალიური ჰიტების მოსმენამ მისთვის „შთაგონების ჭა“ შექმნა.
„ასეთი ბგერები ნამდვილად არის ახალ ალბომში. ჩემი პირველი ინსტრუმენტი იყო Roland Juno 106, რომელიც 80-იანი წლების სინთეზატორია. ეს ხმები ძალიან ნოსტალგიურია. ეს ხმები გარკვეულწილად არის ჩადებული ჩვენს ფსიქიკაში და ისინი მართლაც პირდაპირ საუბრობენ ჩვენს გულთან. ისინი გვაბრუნებენ იმ ფილმებთან, რომლებზეც გავიზარდეთ“, - განაცხადა ლეტომ.