logo_geo
გერმანიის კანცლერი: ვაქცინაცია ყველა ზრდასრული ადამიანისთვის სავალდებულო უნდა გახდეს
- +

12 იანვარი. 2022. 20:51

 

 

გერმანიის კანცლერმა, ოლაფ შოლცმა განაცხადა, რომ ვაქცინაცია ყველა ზრდასრული ადამიანისთვის სავალდებულო უნდა გახდეს.

 

გერმანიის პარლამენტში „სოციალ-დემოკრატების“ (SPD) ლიდერმა განაცხადა, რომ კანონპროექტს, რომელიც ვაქცინაციის სავალდებულო ხასიათს ითვალისწინებს, პარლამენტში მარტში უყრიან კენჭს.

 

რობერტ კოხის დაავადებათა კონტროლის ინსტიტუტის მონაცემებით, გასული დღე-ღამის განმავლობაში, გერმანიაში კორონავირუსის 80 430 ახალი შემთხვევა დადასტურდა, რაც პანდემიის დაწყებიდან დღემდე, ინფიცირების რეკორდულად მაღალი დღიური მაჩვენებელია.

 

პანდემიის დაწყებიდან დღემდე, გერმანიაში კორონავირუსის 7 661 811 შემთხვევა გამოვლინდა, ხოლო 114 735 ადამიანი ვირუსს ემსხვერპლა.

 

გერმანიაში, კორონავირუსის ახალი შემთხვევების ზრდა „ომიკრონი“ შტამის გავრცელებას უკავშირდება.

 

25 ნოემბერს, სამხრეთ აფრიკაში, მეცნიერებმა განაცხადეს, რომ კორონავირუსის ახალი ვარიანტი აღმოაჩინეს, რომელსაც უამრავი მუტაცია აქვს. ჯანდაცვის მსოფლიო ორგანიზაციის მთავარმა მეცნიერმა, სუმია სვამინატანმა განაცხადა, რომ ახალ ვარიანტს სპაიკის პროტეინში არაერთი შემაშფოთებელი მუტაცია აქვს.

 

 

big_banner
არქივი