იუბილარს მივულოცოთ!
17 იანვარს 80 წლის გახდა რამაზ ყურაშვილი - ექიმ-ენდოკრინოლოგი, მეცნიერი, მედიცინის მეცნიერებათა დოქტორი, პროფესორი. 1987 წლიდან არის რესპუბლიკური სამედიცინო სადიაგნოსტიკო ცენტრის დირექტორი; 1992 წლიდან - საქართველოს დიაბეტის ცენტრის დირექტორი. 300-მდე სამეცნიერო ნაშრომის, წიგნებისა და საგანმანათლებლო ალბომების ავტორი. თბილისის საპატიო მოქალაქე. ღირსების ორდენის კავალერი. ევროპის ნეირო-დიაბის სამუშაო ჯგუფის წევრი (1993); დიაბეტის საერთაშორისო ფედერაციის წევრი (1993); ევროპის დიაბეტის შემსწავლელი ასოციაციის წევრი (1996); ამერიკის დიაბეტის ასოციაციის პროფესიონალური სექციის წევრი (1997); დიაბეტის ჟურნალების საერთაშორისო კომიტეტის წევრი (1997); შავი ზღვის ქვეყნების დიაბეტის საბჭოს წევრი (1997); საქართველოს სამხედრო სამედიცინო აკადემიის წევრი (2000); თიროიდული ფუნქციების შემსწავლელი საერთაშორისო ორგანიზაციის წევრი (2001); ამერიკის კლინიკური ენდოკრინოლოგიის ასოციაციის წევრი (2004); ევროპის ათეროსკლეროზის საზოგადოების წევრი (2004).
დაიბადა თბილისში, 1942 წელს. დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1965 წელს.