ლეგენდარული ქართველი მშვილდოსანი ქეთევან ლოსაბერიძე 72 წლის ასაკში გარდაიცვალა. იგი იყო ოლიმპიური თამაშების ჩემპიონი (1980), მსოფლიოსა და ევროპის ჩემპიონი, მრავალი საერთაშორისო ტურნირის გამარჯვებული და 2002-2005 წლებში საქართველოს მშვილდოსნობის ეროვნული ფედერაციის პრეზიდენტი.

ქეთევან ლოსაბერიძე დაჯილდოებულია ვახტანგ გორგასლის II ხარისხის ორდენით, ბრწყინვალების საპრეზიდენტო ორდენითა (2018) და ხალხთა მეგობრობის ორდენით.