74 წლის ასაკში ცნობილი როკმენი, ჯგუფ „ბლიცის“ ხელმძღვანელი ვალერი კოჩაროვი გარდაიცვალა.
მის სახელს უკავშირდება ლეგენდარული „The Beatles“-ის პოპულარიზაცია საქართველოში.
1989 წელს ლივერპულში, ტრადიციულ კონკურსზე, სადაც საუკეთესო „ბითლზ-ორეულები“ გამოდიოდნენ, ფესტივალის მთავარი ჯილდო „ბითლზის“ საუკეთესო გარეგნული და მუსიკალური მიბაძვისათვის სწორედ მის ჯგუფს „ბლიცს“ მიენიჭა.
ვალერი კოჩაროვი ბოლო რამდენიმე დღის განმავლობაში კლინიკაში მკურნალობდა.