ბათუმში „ტვ პირველის“ ოპერატორს მცირეწლოვანი შვილების თვალწინ სცემეს. ტელეკომპანიის გადამღები ჯგუფი ღამის ეთერში სტუმრის ჩასართავად ემზადებოდა, როცა მათთან უცნობი პირები მივიდნენ და გინება დაუწყეს, მოგვიანებით კი, ფიზიკური შეურაცხყოფა მიაყენეს. თემურ ზოიძის ჯანმრთელობის მდგომარეობა ამჟამად დამაკმაყოფილებელია. სპეციალურმა საგამოძიებო სამსახურმა ჟურნალისტურ საქმიანობაში ხელის შეშლის ფაქტზე მოკვლევა დაიწყო. სავარაუდოდ დღეს დაიწყება გამოკითხვები.