ავტოსაგზაო შემთხვევის შედეგად, ბაკურციხე-თბილისის დამაკავშირებელ ცენტრალურ მაგისტრალზე 5 ადამიანი დაშავდა.
დაშავებულები სამედიცინო დაწესებულებაში გადაიყვანეს. არსებული ინფორმაციით, ერთმანეთს სამარშრუტო ტაქსი და მსუბუქი ავტომობილი შეეჯახა.
გავრცელებული ინფორმაციით დაშავებული არიან ტურისტები. შედარებით მძიმეა ორი ტურისტის ჯანმრთელობის მდგომარეობა. ექიმების განმარტებით, მოქალაქეებს დაზიანებები თავისა და მუცლის არეში აქვთ მიღებული.