„არც ერთხელ არ გაუცია კლინიკას რეკომენდაცია გასვლით სასამართლო პროცესებზე დასასწრებად (უამრავი პროცესი იყო ჩანიშნული მაისიდან დღემდე), არც გავცემთ, სანამ მიხეილ სააკაშვილი კლინიკაში იმყოფება და ასე იყო ყველა პატიმარი პაციენტის შემთხვევაში“, - ამის შესახებ კლინიკა „ვივამედის“ დირექტორი ნინო ნადირაძე Facebook-ზე წერს.
„იგივე ხალხი, ვინც კატეგორიულად გვთხოვდა, ასეთი რეკომენდაცია არ გაგვეცა, ახლა პირიქით, იგივე დაჟინებით ითხოვს საპირისპიროს. ყოველთვის ვიმოქმედებთ პაციენტების ჯანმრთელობის საუკეთესო ინტერესებიდან გამომდინარე. პაციენტი აგრძელებს თერაპიულ დეპარტამენტში დაკვირვებას და მკურნალობას“, - წერს ნადირაძე.