logo_geo
სასტუმრო „ამბასადორში“ გაჩენილი ხანძარი სრულად ლიკვიდირებულია
- +

31 მარტი. 2023. 20:10

თბილისში, სასტუმრო „ამბასადორში“ გაჩენილი ხანძარი სრულად ლიკვიდირებულია. ამის შესახებ ჟურნალისტებს საგანგებო სიტუაციების მართვის სამსახურის ხელმძღვანელმა თემურ მღებრიშვილმა განუცხადა.

„მეხანძრე-მაშველების სწრაფმა და ოპერატიულმა მოქმედებამ მოგვცა საშუალება, რომ დროულად მომხდარიყო ხანძრის ლოკალიზება და შემდეგ ლიკვიდაცია. იყო გვერდზე მდგომ შენობებზე ცეცხლის გადასვლის საფრთხე, რაც მეხანძრე-მაშველებმა აღკვეთეს. დაშავებულების შესახებ ინფორმაცია არ შემოსულა. შესაბამის სამსახურს დაწყებული აქვს გამოძიება და მოგვიანებით გაკეთდება ამაზე განცხადება“, - აცხადებს თემურ მღებრიშვილი.

„ქრონიკის“ ინფორმაციით, გამოძიება დაწყებულია 187-ე მუხლით, რაც ნივთის დაზიანებას ან განადგურებას გულისხმობს.

თბილისში, სასტუმრო „ამბასადორში“ ცეცხლი გაჩნდა 4-სართულიანი შენობის მესამე და მეოთხე სართულებზე, ადგილზე 16 სახანძრო-სამაშველო ეკიპაჟი მუშაობდა.

big_banner
არქივი