„FDA-მ დღეს დაამტკიცა მესამე, ეგრეთ წოდებული ბუსტერ დოზა „Pfizer“-ით ვაქცინირებული პოპულაციის ნაწილისთვის. ბუსტერ დოზა დამტკიცდა გადაუდებელი ავტორიზაციის სტატუსით“, – ამის შესახებ ექიმი ნანა გეგეჭკორი წერს.
„მესამე დოზის მიღება შესაძლებელია სრულად ვაქცინირებიდან 6 თვის შემდგომ, შემდეგი ჯგუფებისთვის: 65 წელს გადაცილებულებს, 18-65 წლის ფარგლებში კოვიდ-19-ის მძიმე ფორმებით ავადობის მაღალი რისკის მქონე ადამიანებს. 18-65 წლის ასაკის ადამიანებს, ვისაც კოვიდ-19-ით ინფიცირების მაღალი რისკის შემცველ გარემოში უწევთ ყოფნა.
P.S. ეს წესი ვრცელდება მხოლოდ „Pfizer“-ის ვაქცინაზე. ავტორიზაციის საბჭოში წარდგენილი იყო მხოლოდ ამ კონკრეტული ვაქცინის აპლიკაცია. ეს წესი ჯერჯერობით, არ ვრცელდება არცერთ სხვა ვაქცინაზე და არც სხვა ვაქცინებით აცრილ ადამიანებში ბუსტერ დოზად „Pfizer“-ის გამოყენებაზე“, – ვკითხულობთ გეგეჭკორის ფეისბუქ-პოსტში.