logo_geo
დეკანოზი ანდრია ჯაღმაიძე: საქართველოს ეკლესიისა და კონსტანტინოპოლის საპატრიარქოებს შორის ურთიერთობის საზიანოდ მორიგი ავანტიურა იგეგმება
- +

18 ოქტომბერი. 2021. 20:59

 

„საქართველოს ეკლესიისა და კონსტანტინოპოლის საპატრიარქოებს შორის ურთიერთობის საზიანოდ, მორიგი ავანტიურა იგეგმება“, - ამის შესახებ საქართველოს საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზ ანდრია ჯაღმაიძე სოციალურ ქსელში წერს.

 

მისი თქმით, საქართველოს ეკლესიის სინოდის ერთ-ერთი წევრის დაფინანსებით, გოჩა ბარნოვი და თამარ მესხი კონსტანტინოპოლის პატრიარქ ბართლომეოს პირველთან შესახევედრად მიემგზავრებიან, სადაც ბარნოვი იტყვის, რომ “ნაციონალური მოძრაობისა“ და სააკაშვილის ხელისუფლებაში მოსვლის შემთხვევაში საქართველოს ეკლესია უკრაინის ახლად შექმნილი ეკლესიის ავტოკეფალიას აღიარებს.

 

„ჩემი ინფორმაციით (წყაროს არ დავასახელებ), საქართველოს ეკლესიისა და კონსტანტინოპოლის საპატრიარქოებს შორის ურთიერთობის საზიანოდ, მორიგი ავანტიურა იგეგმება გოჩა ბარნოვისგან.

 

ერთ-ერთი საქართველოს ეკლესიის სინოდის წევრის (სახელს არ დავასახელებ, ჯერჯერობით) დაფინანსებით, ხვალ 19 ოქტომბერს გოჩა ბარნოვი და თამარ მესხი მიემგზავრებიან სტამბულში მის ყოვლადუწმინდესობა, კონსტანტინოპოლის პატრიარქ ბართლომეოს პირველთანთან .

 

შეხვედრაზე გ.ბარნოვი ეტყვის, რომ პარტია “ერთიანი ნაციონალური მოძრაობის“ და სააკაშვილის ხელისუფლებაში მოსვლის შემთხვევაში, საქართველოს ეკლესია აღიარებს უკრაინის ახლადშექმნილი ეკლესიის ავტოკეფალიას. ამასთან, "თეოლოგი" გეგმავს მსოფლიო პატრიარქს სთხოვოს ადგილობრივი თვითმმართველობის არჩევნების მეორე ტურში პარტია “ერთიანი ნაციონალური მოძრაობის“ და მ.სააკაშვილის მხარდასაჭერი განცხადების საჯაროდ დაფიქსირება”, - წერს „ფეისბუქზე“ ანდრია ჯაღმაიძე.

 

 

 

right_banner big_banner
არქივი