logo_geo
თეა წულუკიანი: მუქარის ავტორი ქეთევან გაბიანი დღეიდან სისხლის სამართლის დამნაშავეა და არა - ნაცური კეთილშობილების დამკვიდრებისათვის მებრძოლი ენჯეო-ამორძალი
- +

15 თებერვალი. 2023. 17:42

 

 

კულტურის მინისტრი თეა წულუკიანი მისი მკვლელობის მუქარის ავტორისთვის გამოტანილი განაჩენის შესახებ სოციალურ ქსელში პოსტს აქვეყნებს.

 

„ეს გახლავთ შარშან, თებერვალში მიღებული მკვლელობის მუქარა, რომელიც ავტორმა მოგვიანებით წაშალა.

 

მოცემული არსება, ვინმე ქეთევან გაბიანი (აწ უკვე ხაბიანი), რომელიც სასამართლო დარბაზში ვნახე პირველად, დღეს გამოცხადებული, პირველი ინსტანციის სასამართლოს განაჩენის თანახმად: ცნობილ იქნა დამნაშავედ საქართველოს სისხლის სამართლის კოდექსის 151-ე მუხლის პირველი ნაწილით და სასჯელად განესაზღვრა ჯარიმა 2000 ლარის ოდენობით.

 

დღეიდან იგი სისხლის სამართლის დამნაშავეა და არა - ნაცური კეთილშობილების დედამიწაზე დამკვიდრებისათვის მებრძოლი ენჯეო-ამორძალი.

 

ეს მნიშვნელოვანი სასამართლო პრეცედენტია!

 

მადლობას ვუხდი ჩემს ადვოკატს, ბატონ მალხაზ სალაყაიას!“ - წერს თეა წულუკიანი.

 

 

 

 

big_banner
არქივი