ძმები გვასალიების ბრენდის „Vetements"-ის ჩვენებებს მოდის სამყარო ყოველთვის დიდი ინტერესით ელის. გუშინ დემნა გვასალიამ პარიზის მაღალი მოდის კვირეულზე ვეტმანის შემოდგომა/ზამთარი 2017/18 კოლექცია წარადგინა.
კოლექციის თემა სტერეოტიპები იყო. კოლექციას მოდის სამყაროში დიდი გამოხმაურება და დადებითი შეფასებები მოჰყვა.
დემნა გვასალიას პოდიუმზე ყოველთვის არაპროფესიონალები გამოჰყავს, ძირითადად მისი მეგობრები.
„სიმამაცეა საჭირო, რომ „ჩვეულებრივი ადამიანები" პარიზში ოტ კუტიურზე გამოიყვანო. ფაქტია, ყველაფერი, რასაც ეს ბრენდი ქმნის, დაკავშირებულია ფართო სამყაროსთან. შედეგი იყო გონივრული, პერიოდულად ლამაზი და დამაინტრიგებელი. რაღაც მხრივ იყო საშიშიც, სხვა სიტყვებით: ძალიან ვეტმანი!" - ასე გამოეხმაურა გუშინდელ ჩვენებას „ვოგის" საერთაშორისო ჟურნალისტი, კრიტიკოსი სუზი მენქსი.